അദ്ദിക്ർ

സസ്യലതാദികളെ മുളപ്പിച്ചവന്‍ അവക്ക് നിര്‍ണ്ണയിച്ച അവധി പൂര്‍ത്തിയായിക്കഴിഞ്ഞാല്‍ അവയെ ഉണക്കി ചപ്പുചവറുകളാക്കി മാറ്റുന്നു. അതുപോലെത്തന്നെ മണ്ണില്‍ നിന്ന് നട്ടുവളര്‍ത്തിയ മനുഷ്യരേയും അവര്‍ക്ക് നിശ്ചയിച്ച അവധി പൂര്‍ത്തിയാക്കിയശേഷം മണ്ണിലേക്കുതന്നെ മടക്കി ഭൂമിയില്‍ ലയിപ്പിക്കുന്നു. ബുദ്ധിശക്തി നല്‍കപ്പെട്ട, മാര്‍ഗദര്‍ശനം നല്‍കപ്പെട്ട മനുഷ്യനെ വിധിദിവസം പുനര്‍ജീവിപ്പിച്ച് അവന്‍റെ നാലാം ഘട്ടമായ 15 വയസ്സ് മുതല്‍ മരണം വരെയുള്ള ജീവിതത്തെക്കുറിച്ച് വിചാരണ നടത്തുന്നതാണ്. സര്‍വ്വലോകര്‍ക്കും ഒരുപോലെ അവകാശപ്പെട്ടതും ഏറ്റവും വലിയ അനുഗ്രഹവും സ്വര്‍ഗത്തില്‍ നിന്ന് ഭൂമിയിലേക്ക് നീട്ടിയിട്ടിട്ടുള്ള പൊട്ടിപ്പോകാത്ത പാശവുമായ അദ്ദിക്റിനെ സ്വയം ഉപയോഗപ്പെടുത്തുകയോ മറ്റുള്ളവര്‍ക്ക് ഉപയോഗപ്പെടുത്താന്‍ നല്‍കുകയോ ചെ യ്യാത്ത കപടവിശ്വാസികളും അനുയായികളുമടങ്ങിയ അറബി ഖുര്‍ആന്‍ വായിക്കുന്ന ഫുജ്ജാറുകള്‍ ഇവിടെത്തന്നെ ചപ്പുചവറുകളെപ്പോലെ നിസ്സഹായരായിരിക്കുമെന്ന് നാഥന്‍ പ്രവാചകനിലൂടെ പഠിപ്പിച്ചിട്ടുണ്ട്. 13: 16-17; 18: 45; 23: 115; 67: 22 വിശദീകരണം നോക്കുക.